LAOAG CITY – Naalarma ni Vice Mayor Rey Carlos Farinas gapu ta awan ti dengue test kit iti Laoag City General Hospital.
Naduktalan na daytoy kabayatan ti panagturongna iti nasao nga ospital gapu ta dua a lawasen a nabudo ti karabukobna.
Gapu iti daytoy, nagtawag ti bise mayor iti City Health Office ngem kunada nga awan ti available a dengue test kit.
Mainaig iti daytoy, sinaludsod na ti Committee on Health no apay awan ti nasao a pag-test aglalo ket agtultuloy ti panagado ti kaso ti dengue iti probinsia.
Kiniddaw na ti Committee on Health iti pannakaimbestigar ti nasao a problema gapu ta kunana a narigat no awan ti bukod a dengue test kit iti siudad gapu ta nangina daytoy no agturong dagiti umili iti pribado nga ospital.
