LAOAG CITY – Nabigbig ni Vice Mayor Rey Carlos Fariñas kas 2026 Gawad Dangal ng Bayan – Regional Qualifier iti Civil Service Commission.
Segun kenkuana, ti pammigbig ket ti maysa kadagiti kapintasan a pammadayaw a naawatna no sadinno a daytoy ket gapu iti agtultuloy a panangsuporta dagiti umili kenkuana ken ti naiget a panagserbina iti konseho.
Inbatadna a ti maysa a makaigapu ket ti panagtarabho na nga addaan transparency ken accountability tapno saan a masayang ti talek nga inpaay kenkuana ti publiko.
Kunana pay a no ti maysa nga opisial ket saan nga umno ti panagserbina ket mabalin a maawan ti talek ti umili kenkuana.
Nupay kasta, impanamnama ti bise mayor ti agultuloy a panagserbina iti publiko no sadinno a ti kangrunaan a kalikagumna ket ti panangtulong kadagiti umili.
