LAOAG CITY – Nagatendar ni Vice Mayor Rey Carlos Fariñas iti Community Based Drug Rehabilitation Program para kadagiti drug surrenderees.
Segun ken ni Vice Mayor Fariñas, karaman kadagiti nagatendar ket dagiti kameng ti national agencies kas da Dr. Precious Eden Lim, Rural Health Physician; P/Lt.Col. Ryan Retotar, OIC-Chief of Police; P/Lt.Col. Rogelyn Ibe; Ms. Charis Garma, CLGOO; Ms. Lanibelle Posadas, PDEA Provincial Officer; Ms. Lenyrose Cristobal, Program Coordinator ken Mr. Hipolito Salva Jr., CADAC Focal Person.
Inbatadna nga umabot iti pakabuklan a 38 ti nakipaset iti nasao a programa.
Mainaig iti daytoy, nangipaay ti mensahe ni Vice Mayor Fariñas no sadinno a ditoy nga ad-adda a pinatibkerna ti nakemda nga agtultuloy nga agbalbaliw.
Inlawlawagna iti rigat ti biag, inpakaammona kadakuada a ti biag ket maysa a sagut tapno paggapoan ti ragsak, ayat, ken namnama.
Mamati ti Bise Mayor a ti tunggal maysa kadakuada ket rumbeng a maipaayanda ti second chance gapu ta ti panagbalbaliw ken panagbabawi ket saan pay a naudi.
