LAOAG CITY – Pinalagipan ni Vice Mayor Rey Carlos Fariñas dagiti tricycle drivers a naipaayan ti tricycle francise ditoy siudad ti Laoag a saanda nga ilaklako dagiti franchise-da.
Inbatadna a dagiti tricycle franchise ket ipapaay ti gobierno kadagiti tricycle drivers tapno nayon a tulong a pagsapulanda iti inaldaw-aldaw a panagbiag.
Inlawlawagna nga imbes nga ilako daytoy ket ipatawid lattan kadagiti annak tapno saan a masayang.
Kunana a no saanda nga usaren a nasayaat ket aglabsing dagitoy iti paglintegan ken mabalin a maibabawi dagitoy kadakuada.
Innayonna nga adu dagiti madukduktalanda a sumagmamano a tricycle a nakaparada laeng kadagiti pagtaenganda ken rummuar laeng no adda ti maited nga ayuda.
