LAOAG CITY – Kalikagom ni Vice Mayor Vicentito Lazo a maaddaan ti Secondary Commercial and Business District ditoy ciudad ti Laoag.
Daytoy ket tapno maalay-ayan ti panagdudupudop ti ado a tattao iti sentro ditoy ciudad.
Inbatad ni Lazo a no isuna ti pagsaludsudan ket napintas iti by-pass road nga asideg ti rotonda a pakaipatungpalan ti secondary commercial and business district.
Kuna pay ti bise mayor nga addan to ti gundaway a trataren da iti konseho ti maipanggep iti Comprehensive land use plan ditoy ciudad.
Innayon na a naibaga dan daytoy a banag iti Planning Office tapno ikonsiderar dagiti posibilidad a maaddaan ti secondary commercial and business district ditoy ciudad ti Laoag.
Inlawlawag ni Lazo a basar ken ni Architect Felino Palafox Jr. Ket limitado laeng ti mabalin nga aramiden iti sentro ditoy ciudad gapu ta iti abagatan a ket dike no sadinno a no agreclaim ket dakkel unay ti magastos.
