LAOAG CITY – Kalikagom ni Vice Mayor Vicentito Lazo a manayunan dagiti traffic enforcers ken traffic aides ditoy ciudad ti Laoag.
Inlawlawag na a masapol a manayunan ti bilang dagiti kameng ti traffic division a mangiwanwan ken mangipatungpal ti paglintegan seknan iti trapiko ditoy ciudad.
Inpetteng ni Lazo a masapol a madisiplinaan dagiti motorista nga agsalungasing kadagiti paglintegan kangrunaan na ket mangipatungpal ti gobyerno lokal ditoy ciudad ti baro a traffic scheme.
Immuna iti daytoy, inbatad ni Lazo nga adda ti 5.3 million a pisos a nailatang a pagpasweldo kadagiti traffice enforcers ken traffic aides nga umab-abot ti kwarenta.
