LAOAG CITY – Nagkedked ni Vice Mayor Vicentito Lazo ditoy ciudad ti Laoag a mangipaay ti komento mainaig iti desisyon ti Korte Suprema a masuspenso kas maysa nga abogado iti makatawen.
Daytoy ket adda pakainaigan na iti kaso a naipila kontra kenni Lazo babaen kenni Judge Rosemarie Ramos iti RTC Branch 19 iti ili ti Bangui.
Segun kenni Lazo, awan pay ti naawat na a kopya iti desisyon ti Korte Suprema isut gapo na a saan pay a makaited ti anyaman a reaksyon.
Nupay kasta, inpasigurado met ti bise mayor nga apaman a maawat na ti kopya iti desisyon ket mangiparuk-at ti statement na.
Maipalagip nga idi kalman ket inparuk-at ti Korte Suprema ti desisyon na iti isyu a maipagarop a panangperperdi ni Lazo kenni Ramos.
