Binalakadan ni Vice Mayor Remigio Medrano ti sektor ti agrikultura nga agmula pay laeng kadagiti mula a saan nga agkasapulan ti ado a padanom kageddan ti panagsagsagana ti agbalin nga epekto ti Super El Niño.
Segun kenkuana, saan a sigurado daytoy no ti solar powered irrigation ket iso ti mangsungbat kas solusion iti agbalin nga epekto iti El Niño.
Gapu iti daytoy, inbilinna ti Department of Agriculture ti Sarrat nga adalen nga umuna no adda mapataod ti solar powered irrigation a danom tapno saan a masayang ti maiyalokar pundo.
Mainaig iti daytoy, kunana a no saan nga agbalin daytoy ket adda dagiti nasakasagan a maipay a kulokol nga ad-adalen pay laeng ti Department of Agriculture no pakaimuntaranna tapno maipaay nga agserbi kadakuada.
