LAOAG CITY – Mamati ni Vice Mayor Vicentito Lazo ditoy ciudad ti Laoag nga adda ti rimmusing a gura iti nagbaetan da Sangguniang Panlungsod Member Justine Chua, SP Member Edison Chua ken ni SP member Eddison Bonoan rason a napasamak ti rambol iti nagbabaetan da bayat ti kaadda da iti Laoag City Hall.
Maladingitan ni Lazo gapu ta namnamaen na a mabati iti uneg ti Session Hall iti nagbalin a debate da seknan iti franchise tricycle.
Mangnamnama ti Bise Mayor nga agsubli iti dati a panaglangen-langen dagiti nadakamat a konsehal.
Maipalagip a sakbay ti panagririnnambol dagiti nasao a kameng ti konseho ket adda ti nabara a diskusyon iti uneg ti session bayat ti regular session seknan ti saan a pannakaipakaamo ken ni Konsehal Bonoan kas chairman ti Committee on Land Transportation a naibasura ti franchise ordinance nga inisponsoran na.
