LAOAG CITY – Inrakurak ni Commission on Elections (Comelec) George Erwin Garcia nga agraira ti praktis a vote-buying inton 2025 Election a masapol a mabantayan.
Basar iti obserbasion ti Commission on Elections, psoible a saan a dumalan iti payment platform ti nasao nga aktibidad ken gapu ta ammo dagiti gumatgatang ti butos a mabanbantay isuda isu a manamnama ti personal a panangipaay ti bayad kasukat ti butos.
Naammoan a tapno maparmek ti nasao nga aktibidad ken dadduma pay a panaglabsing kadagiti pagannurotan ti eleksion, adda ti panagsagsagana ti Commission on Elections iti babaen ti pannakibinnulig iti National Bureau of Investigation.
Maipalagip a maysa a memorandum of agreement ti napirmaan iti nagbaetan ti Comelec ken ni National Bureau of Investigation Director Ret. Judge Jaime Santiago tapno mabantayan ti mapaspasangasangan a panagpipili.
Innayonna a saan nga ibutaktak ti National Bureau of Investigation dagiti tignay nga aramidenda a panagbantay.
