LAOAG CITY – Possible nga iyalud-od ti voter registration period kadagiti lugar nga apektado ti bagyo Julian, partikular iti Northern Luzon.
Daytoy ti inbatad ni Commission on Elections (Comelec) Chairperson George Erwin Garcia.
Iti baet daytoy, kuna ni Garcia ket awanen ti agbalin nga extension kadagiti lugar a saan a naapektaran ti bagyo kas ti National Capital Region (NCR).
Inpakaammo ni Garcia nga agingga idi Setyembre 17 ita a tawen ket nakaiproseso ti Commission on Elections ti agarop 6,442,112 registrations para iti 2025 national and local elections.
Kabayatanna, adda met ti 5,376,630 a botante a na-deactivate ken pakabuklan a 714,152 a botante ti naikkat iti listaan.
