LAOAG CITY – Mabalin a bumaba iti 13 ti bilang ti masapol a botos tapno ma-convict ni Vice President Sara Duterte no 20 a senador laeng ti legal a makaatendar kas senator-judges iti oras ti pannakaiparuk-at ti desision ti Impeachment Court.
Daytoy ket interpretasion nga inlatag ti abogdo ken professor of Law a ni Howard Calleja, a basar iti probision ti Konstitusion nga agkasapulan ti concurrence of two-thirds of all members of the Senate para iti conviction.
Segun ken ni Calleja, saan a nakapirmi iti 16 wenno 24 ti maaramat a pagibasaran iti panagkuwenta ti two-thirds.
Inbatadna a no 21 a senator-judges laeng ti makaibagi, masapol nga amoen no 13 wenno 14 ti katukad ti two-thirds ken idinto a no 20 met ti makaibagi, maipagarup 13 a botos ti masapol para iti conviction.
Iti agdama, agtaltalinaed iti 16 a botos ti conviction threshold a nakabasar iti immunan a ruling ti presiding officer ti Impeachment Court, a posision pay ti House prosecution.
Iti baet daytoy, inimbitaran ti Impeachment Court dagiti dati a mahistrado ti Supreme Court tapno makaitedda ti opinion ken interpretasion ti constitutional requirement sakbay a talantanen dagiti senator-judge ti disputed voting threshold.
