LAOAG CITY – Immanamong ni Department of Justice (DOJ) Secretary Jesus Crispin Remulla ti inaramid ti Philippine National Police (PNP) a panangikkat kadagiti 75 security detail ni Vice President Sara Duterte.
Inbatad ni Remulla, awan ti makitana a dakes daytoy gapu ta adda met pay ti 300 a bodyguard ti Bise Presidente nga ad-adu pay no idasig iti security detail ni Pres. Ferdinand Marcos Jr.
Maipalagip nga immunan nga inbabawi ti Philippine National Police ti 75 kadagiti 106 nga opisial a naidesignar tapno agbantay ti seguridad ni Duterte.
Inlawlawag ti Philippine National Police a daytoy ket tapno masolbar ti kinakurang ti pulis idiay Metro Manila.
Inawagan met daytoy a political harassment ni Duterte ken immapela kadagiti kaalyadona ken mangsupsuporta kenkuana a siguradoen ti kinatalged ti pamiliana.
