LAOAG CITY – Kinumpirmaran ni Vice President Sara Duterte nga idi pay laeng napalabas a tawen ket addan ti na-recruit daytoy a maysa nga indibidual tapno agbalin a running mate para iti 2028 national elections.
Nupay kasta, nagkedked pay laeng ni Duterte nga ibutaktak ti nagan ti nasao nga indibidual tapno maprotektaran daytoy.
Immunan nga inrakurak ni Vice President Sara ti desisionna a tumaray inton 2028 presidential elections.
Inlawlawagna a saanna nga inpakaammo iti amana a ni dati a Presidente Rodrigo Duterte ken kadagiti kabsatna ti nasapa a panangideklararna ti kandidaturana.
Kunana a ti laeng asawana, dagiti annakna, inana a ni Elizabeth Zimmerman ken maysa nga staff a nag-translate ti panagbitlana iti Tagalog ti makaammo ti aramidenna nga anunsio.
Kunana a dagiti lattan abugado ti amana ti nangipakaammo iti amana maipanggep iti anunsiona.
