LAOAG CITY – Inakusaran ni Vice President Sara Duterte ni President Ferdinand ”Bongbong” Marcos Jr. a binaybay-an na dagiti agpanpanday linteg a nangliklik kadagiti accountability da iti baet dagiti isyu ti korapsyon.
Iti interview iti Davao City, inpetteng ni Vice President Duterte a saan a rumbeng a palubusan ni President Marcos dagiti agpanpanday linteg a pumanaw iti pagilian wenno agresign kalpasan dagiti alegasyon a panagkunniber.
Mainaig iti daytoy, bwineltaan ni Palace Press Officer Undersecretary Claire Castro ti bise presidente no sadinno nga inpalagip na ti masansan a panagbiyahe na iti abroad iti baet dagiti alegasyon a korapsyon a sangsangwen na.
Dinakamat pay ni Castro a nakagastosen ti gobierno ti P7.4 million para iti security ken Office of the Vice President personnel.
Kabayatanna, saanen a nagkomento ni Duterte iti panagbaba iti pwesto ni Congressman Martin Romualdez kas House Speaker.
