LAOAG CITY – Possible a kasapulan ni Vice President Sara Duterte ti psychological evaluation kalpasan nga inrakurak na iti maysa a press conference a na-imagine na a putputulen ti ulo ni Presidente Ferdinand Marcos Jr., ken nagpangta a kalyen na ti bangkay ni dati a Presidente Ferdinand Marcos Jr. tapno ibelleng iti West Philippine Sea.
Segun ken ni House Assistant Majority Leader ken Zambales 1st District Rep. Jay Khonghun, makaalarma dagiti nagbalin a rakurak ni Duterte aglalo ket maysa a nangato nga opisyal iti pagilian.
Inpetteng ni Khonghun nga awan ti nalimpiyo a tao ti makapanunot, kangrunaan na ti agaramid iti kas ti inrakurak ti bise presidente.
Kastoy met laeng ti nagbalin a rakurak ni House Assistant Majority Leader ken La Union 1st District Rep. Paolo Ortega V a nangirakurak ti pannakaalara na iti seryoso nga implikasyon dagiti inibbatan a sarita ni Duterte.
Gapu iti daytoy, ginutigot ni Ortega ni Vice President Sara nga agpakita iti eksperto gapu ta makaalarma dagiti inrakurak na.
