LAOAG CITY – Pagat-atendaren ti Senate Impeachment Court ni Vice President Sara Duterte iti panangrugi ti trial kontra kenkuana intono Lunes, Hulyo 6, 2026.
No saan man a mismo a ti bise presidente, mabalin nga ibagian ti legal team na.
Iti imbitasyon nga inpatulod iti nasao a korte iti bise presidente ket inbilin da ti panagatendar dagitoy iti panangrugi ti trial a naikeddeng a maiyuswat intono bigat iti oras ti alas-2 ti malem.
Maiyuswat daytoy iti Session Hall ti Senado iti Pasay City.
Naibilin pay iti bise presidente a sumurot iti amin a pammilin, direktiba ken agbalin a desisyon ti senado kas maiyataday iti kautusan kas maiyallubog iti konstitusyon ken dagiti maipatpatungpal a linteg.
Nupay inpasigurado ti legal team ti bise presidente a naan-anay dagitoy a nakasagana a sumango iti panangusig , ket awan oay ti kumpirmasyon no personal nga agatendar ni Duterte iti nadakamat nga aldaw.
