LAOAG CITY – Kinataripnong ni Vice President Sara Duterte ti legal team-na kas panagsagsagana iti impeachment trial iti Senado.
Kinumpirmaran ni Vice President Sara a naiget ti panagsagsaganadan iti impeachment idi pay Nobiembre idi tawen 2023 kageddan ti rakurak ni House Deputy Minority Leader France Castro.
Inlawlawagna nga adu nga abugado ti nangipeksa ti kalikagumda a tumulong wenno agbalin a miembro ti defense team-da.
Inpetteng pay ti Bise Presidente a welcome ti amana a ni dati a Presidente Rodrigo Duterte a mangipaay ti “inputs” gapu ta maysa met daytoy nga abugado.
Nupay kasta, kunana a gapu iti tawenna ken ti makabannog a proseso iti impeachment ket gutigutenna ti dati a Presidente a saan nga agserbi kas lead counsel.
Kabayatanna, inlawlawag ti Bise Presidente a nasapa pay a mapagsasaritaan ti panaglusulosna iti puesto gapu ta saan pay a nabasa ti sumurok 30 a panid nga impeachment complaint.
