LAOAG CITY – Naibutaktak iti impeachment trial nga indeklarar ni Vice President Sara Duterte iti BIR Form 2136 na nga immawat iti compensation income manipud iti gobierno lokal iti ciudad ti Davao idi 2023, maysa a tawen kalpasan a nabotosan kas bise presidente.
Segun ken ni Atty. Anne Loraine Garcia-Marquez iti Bureau of Internal Revenue (BIR), nailanad iti dokumento ti nagan ti Davao City government kas employer ni Duterte ken pinirmaan daytoy ti city accountant.
Kwinestyunaran ti prosekusyon daytoy gapu ta nailanad iti probisyon ti 1987 Constitution a mangipawil iti presidente ken bise presidente a maaddaan iti sabali a propesyo wenno sumagmamano a pinansial nga interes kabayatan ti panagtakem da.
Maus-usar dagiti tax record kas paset iti ebidensia ti impeachment complaint a mangak-akusar ken ni Duterte iti saan a mailawlawag a kinabaknang na ken saan nga usto ti indeklarar na iti Statement of Assets, Liabilities, and Net Worth na.
