LAOAG CITY – Inrakurak ni House Prosecution panel spokesperson ken Lanao del Sur Rep. Zia Alonto Adiong a masapol a kaudian ni Vice President Sara Duterte kadagiti agpanpanawagan a bumaba iti pwesto ni Presidente Ferdinand Marcos Jr., gapu ta isuna ti sumaruno iti kina-presidente no mabakantean ti posisyon.
Segun ken ni Adiong, ti panawagan ni Duterte ket maysa a political stand, aglalo ket maipagarop a nairakuraken ti Bise Presidente ti interes na nga agpaidasig a para presidente iti sumaruno nga eleksyon.
Inpetteng ni Adiong nga adda met ti isyu ti propriety gapu ta direkta a mairanud ti bise presidente no bumaba iti pwesto ti presidente.
Inbatad na a saan a rumbeng nga idaulwan ni Duterte ti panawagan tapno agikkat iti pwesto ni Marcos.
Reaksyon na daytoy iti nagbalin a rakurak ni Atty Paolo Panelo, ti pannakangiwat ni Vice President Duterte a nakasagana a mangannong ti bise presidente iti kina-presidente no agikkat ni Marcos, gapu ta isuna ti constitutional successor.
Iti babaen ti Article vii, Section 8 ti 1987 Constitution, ti Vice President ti agbalin a presidente para iti nabatbati a termino no matay, permanente a mapukawan ti kabaelan ken maikkat wenno bumaba iti pwesto ti presidente.
