LAOAG CITY – Nagsaritan ni Vice President Sara Duterte maipanggep iti sugat iti tengngedna nga immuna a naripar ti publiko idi nagatendar isuna iti Independence Day flag-raising ceremony idiay Davao City idi Hunio 12.
Daytoy ket kagiddan metten ti bidyu nga in-post iti online ti maysa nga anonymous person no sadino nasaludsod iti maikadua a Presidente no ania ti napasamak iti tengngedna.
Kuna ti Bise Presidente a ginandatda nga “i-gurgur” isuna ngem saanda a nagballigi.
Kabayatanna, idi naminsan manen a masaludsod ni Vice President Sara iti maysa nga ambush interview idiay Cagayan de Oro kalpasan a nagwaras iti online ti nasao a bidyu, inlawlawag ti Bise Presidente a saanen a kasapulan pay nga i-interpret ti dinakamatna gapu ta very straightforward daytoy.
Idi masaludsod isuna no asino ti dakdakamatenna, sungbat ni Vice President Sara “isuda amin” ngem awan ti innagananna.
