LAOAG CITY – Nakaawiden ditoy Pilipinas ni Vice President Sara Z. Duterte kalpasan ti agarop maysa a bolan a panagtalinaed na idiay The Hague, Netherlands.
Iti impormasyon manipod iti Office of the Vice President (OVP), simmagpet ti bise presidente iti Ninoy Aquino International Airport (NAIA) iti oras ti alas-9:56 idi rabii babaen ti Emirates Airlines flight no. EK 334.
Maipalagip a nagtalinaed ni VP Sara Duterte iti The Hague, Kingdom of the Netherlands, sipud idi Marso 12 kalpasan ti pannakaarestar ti ama na a ni dati a Presidente Rodrigo Duterte nga agdama a nakabalud iti International Criminal Court (ICC) detention facility gapu iti kaso a crimes against humanity.
Namnamaen a kadagiti sumarsaruno nga aldaw ket mangiparuk-at ti rakurak ti bise presidente iti sumagmamano a napapateg nga isyu a sangsangwen na iti agdama.
