LAOAG CITY – Inpaganetget ti defense team ni Vice President Sara Duterte a saan a mabalin nga obligaren ti Kamara de Representantes ti Bise Presidente nga agatendar iti impeachment proceedings ti Kongreso.
Inbatad ni Atty. Michael Poa, maysa kadagiti abugado ni Vice President Sara, saan met a mabalin nga i-subpoena ti House Committee on Justice ti Bise Presidente.
Iti baet daytoy, inpetteng ni Atty. Poa a nakasagana ni Vice President Sara a sungbatan ti tunggal alegasion kontra kenkuana iti umno a forum.
Immunan nga inrakurak ti defense team a ti Senado laeng ti mabalin a mangtingiting iti respondent iti impeachment case ken saan nga iti Kamara de Representantes.
Saan met nga ik-ikkaten ti depensa ti posibilidad nga agkamang iti Korte Suprema.
