LAOAG CITY – Nagdesision ni Vice President Sara Duterte a saan nga agatendar iti panagdengngeg ti House Committee on Justice mainaig iti impeachment daytoy.
Kinumpirmaran daytoy ti maysa kadagiti abugado ti Bise Presidente a ni Atty. Michael Poa iti saan a panagatendar iti nasao a panagdengngeg ita nga aldaw ti Mierkoles, Marso 25.
Daytoy ti umuna a panagdengngeg ti impeachment complaints iti Bise Presidente nga immunan a napaneknekan a sufficient in form, substance ken grounds.
Maipalagip nga idi Marso 16 idi agisubmitir ti kampo ti Bise Presidente ti sungbatda iti impeachment complaints kalpasan a nakita a sufficient in substance idi Marso 4.
Ipabpabasura ti kampo ti Bise Presidente gapu ta dagiti alegasion ket saan nga impeachable offenses.
