LAOAG CITY – Saanen a kayat a patulan ken saanen mangited pay ti reaksion ni Vice President ken Department of Education Sara Duterte iti nagbalin a rakurak ni First Lady Liza Marcos.
Daytoy ket kalpasan ti umuna a rakurak ti First Lady nga arig nasakit ti nakemna kalpasan a nakitana nga agkatkatawa pay ti Bise Presidente idi nagatendar daytoy iti tignay-protesta nga inorganisar ti amana a ni dati a Presidente Rodrigo Duterte.
Inpaganetget ti First Lady a nasaktan daytoy iti panangkatawa ti Bise Presidente ti pananguyaw ni dati a Presidente Duterte ken ni Presidente Ferdinand Marcos Jr.
Immunan nga inadmitir ni Presidente Marcos a kumplikado ti relasionda ita ken ni dati a Preidente Duterte.
