LAOAG CITY – Tallon nga agsisina nga impeachment complaint ti sangsangwen ni Vice President Sara Duterte.
Daytoy ket kalpasan a nagpila ti religious groups ken dagiti abogado ti maikatlo nga impeachment complaint iti opisina ni House of Representative Secretary General Reginald Velasco.
Indaulwan ni Atty. Amando Virgil Ligutan, counsel ti complainants ti panagsumitir ti nasao a complaint.
Segun ken ni Ligutan, inyendorsar ti nasao a complaint da a Camarines Sur Rep. Gabriel Bordado ken House Deputy Minority Leader ken ni AAMBIS-OWA party-list Rep. Lex Anthony Colada.
Kuna na a ti grupo da ket bukbuklen dagiti gagangay a padi ken umili, ngem kalikagom da nga agsungbat ti maikadwa a presidente gapu iti sumagmamano a nagbasolan na.
Basar iti kopya ti complaint a naipresentar iti media, ti nagbalin a ground wenno nagibasaran ti inpila da nga impeachment complaint kontra iti Bise Presidente ket ti culpable violation of the Constitution, panagpasuksuk, graft ken korapsyon, kasta pay ti betrayal of public trust.
