LAOAG CITY – Inawagan ni Vice President Sara Duterte ti amana a ni dati a Presidente Rodrigo Duterte kas “dramatic actor.”
Daytoy ket kalpasan ti panagatendar ti dati a Presidente iti House quad-committee nga agim-imbestigar iti war on drugs ti dati a Presidente.
Inikkanna pay ti rating ti amana ti 12 out of 10 gapu iti panagbalinnna a “best dramatic actor.”
Inlawlawag ti Bise Presidente a nagturong daytoy iti House of Representatives tapno kitaen ken kumbinsiren ti amana no mabalin ket tumalawen gapu iti salun-atna.
Masansan a saan a dumdumngeg ti amana kadagiti kakaduana ken isuna mismo ti matawtawagan tapno allukoyen ti amana.
Immunan nga inbatad ti Bise Presidente a saanna a ninamnama pay a maaddaan ti patas nga imbestigasion ti maiwaywayat ita nga adda iti Quad Committee.
