LAOAG CITY – Inrakurak ni Vice President Sara Duterte a saan a kinakapuy ti panagbaba na iti pwesto kas sekretaryo ti Department of Education no di ket panangisakit kadagiti mangisursuro ken estudyante.
Daytoy ti inpetteng ti bise presidente ti isasango na kadagiti kameng ti media kalpasan a kinumpirmaran na ti panagikkat na iti cabinet position kalpasan ti 2 a tawen a panatakem na iti daytoy.
Segun ken ni Vice Presidente Sara, inpasa na ti resignation na ken ni Presidente Ferdinand Marcos Jr. ken inawat met daytoyen ti chief executive.
Agepekto ti resignation ti bise presidente kalpasan ti 30 nga aldaw tapno maiyurnus a naimbag ti pannakaiyakar ti bileg iti sumaruno a sekretaryo iti Department of Education.
Iti panagbitla ti bise presidente, inbatad na nga uray saanen nga isuna ti sekretaryo iti nasao a departamento, agtalinaed daytoy a nakasubaybay ken mangitakder ti pagsayaatan dagiti mangisursuro ken agad-adal iti pagilian.
Nagyamanan met ni Duterte dagiti partner agencies iti gobyerno, dagiti lokal a gobierno, private sector partners ken ti inbilang na a pamilya iti Department of Education.
Saanen a dinakamat ti Bise Presidente ti rason a nagresign kas sekretaryo ti Departent of Education.
