LAOAG CITY – Inladawan ni Vice Pres. Sara Duterte ti bagbagina kas ‘very cordial’ ken saan a plastic a tao kalpasan ti nabara a panagsinnungbatda ken ni Sen. Risa Hontiveros iti panagdengngeg iti Senado.
Iti panangtingiting ti pundo ti Office of the Vice President para iti sumaruno a tawen, nag-personalan da Duterte ken Hontiveros kalpasan a nakita ni Hontiveros dagiti pakaikabilan ti pundo ti opisina ti Bise Presidente.
Kalpasan ti nabara a panagsinnungbat dagiti dua, pinadas ni Senador Alan Peter Cayetano a paliiwen ti tension iti uneg ti committee room ken kunana a kalikagumna a maaddaan ti maysa a “cordial exchange.”
Nupay kasta, dagus met a nai-refer iti plenario ti Senado ti 2025 proposed national budget ti Office of the Vice President.
