LAOAG CITY – Inrakurak ni Vice President Sara Duterte nga ammo ni Presidente Ferdinand “Bongbong” Marcos Jr. ti maipanggep dagiti addang a ma-impeach daytoy, ngem naglibakan na idi kinomprontar na daytoy adda sumagmamano a tawen ti napalabas.
Iti interview kenkuana iti babaen ti Office of the Vice President (OVP), sinublianan ni Duterte a sumagmamano a miyembro ti Kamara de representantes ti nagplano nga i-impeach daytoy sipud pay idi 2023 gapu iti maipagarop a saan nga umiso a panagusar ti confidential funds.
Innayon ni Duterte, a ti panagdengngge iti kamara de representantes maipanggep iti confidential funds ket kalikagom nga agbalin a maysa a “fishing expedition” tapno makakalap ti ebidensiya kontra kenkuana.
Segun pay iti bise presidente, kalikagom ti administrasyon Marcos nga agbalin a sumaruno a presidente ni dati nga Speaker ken Leyte First District Representative Martin Romualdez, ken ilunglungalong dagiti kaalyado da ti Charter change iti babaen ti maysa a people’s initiative (PI).
Nupay kasta, kuna ni Duterte, napaay ti inisyatibo kalpasan nga inusar ti programa a TUPAD ti Department of Labor and Employment (DOLE), wenno Tulong Panghanapbuhay para sa Ating Displaced/Disadvantaged Workers, tapno makaukkong kadagiti pirma para iti Charter change, a maipagarop a nagtungpal iti panawagan ti publiko kontra iti daytoy nga addang.
