LAOAG CITY – Agpanpanawagan ni Vice President Sara Duterte kadagiti opisial ti gobierno nga isardengda pay laeng ti panagpulitika ken agpokus iti panagpaimbag ti biag dagiti umili.
Inbatadna a kasapulan nga ipangpangruna ti urnos, kappia ken panagdur-as iti pagilian.
Binigbigna dagili umili a saan a maawanan ti namnama para iti pagilian.
Maipalagip a sumangsango ni Duterte iti impeachment charges mainaig dagiti alegasion ti culpable violation of the 1987 Constitution, graft and corruption, betrayal of public trust, bribery ken dadduma pay.
Pormal a nangrugi ti impeachment trial kontra ken Vice President Duterte idi Hulio 6.
