LAOAG CITY – Kinondenar ni Vice President Sara Duterte ti desisyon ti gobyerno ti Pilipinas a makitinnulong iti International Criminal Court (ICC) mainaig iti kaso ti ama na a ni dati a Presidente Rodrigo Duterte.
Segun iti Bise Presidente nga adda iti agdama iti The Hague, Netherlands tapno bisitaen ti dati a presidente iti detention facility iti International Criminal Court, masapol nga iprayoridad ti gobierno ti pagsayaatan dagiti Pilipino a maip-ipit iti riribok iti Israel ken Iran.
Kuna na pay a maladingitan a nakaammo nga usaren ti gobierno ti pondo ti umili para kadagiti testigo kontra iti ama na imbes nga usaren ti kwarta tapno tulungan dagiti Pilipino a maip-ipit iti riribok iti sabali a pagilian.
Mainaig iti daytoy, pinasagidan manen ti Bise Presidente iti gobyerno a puro politika laeng ken panagpipinnerdi ti prayoridad na saan a dagiti Pilipino.
Nupay kasta, inlawlawag ti Malacañang a ti panangtulong ti gobierno kadagiti testigo kontra iti kaso ti dati a presidente iti International Criminal Court ke saa a direkta a pannakitinnulong iti international tribunal no di ket panangtulong iti pada a Pilipino.
