LAOAG CITY – Mangnamnama ni Vice President Sara Duterte on Friday nga agbalin a patas iti International Criminal Court (ICC) Pre-Trial Chamber I iti proceedings ti kaso kontra iti ama na a ni dati a President Rodrigo Duterte para iti crimes against humanity.
Iti interview iti bise presidente idiay Davao City, inbatad na a ti laeng ikarkararag da ket ti panagbalin a patas ti korte sadinno man a paset ti lubong.
Inrakurak daytoy ti bise presidente sakbay ti pannakaisayangkat ti confirmation of charges hearing ti dati a presidente intono Pebrero 23 ita a tawen.
Innayon na a ti napateg ket adda dagiti abogado na a kanayun a kataripnong ken kasarsarita na tapno pagsasaritaan ti panagsagsagana da para iti confirmation of charges.
Basar iti rekord ti gobierno, umabot iti agarop 6,200 drug suspects ti napapatay kabayatan ti giyera kontra illegal a droga ti Duterte administration.
Nupay kasta, inpetteng ti Human rights organizations a ti nasao a bilang ket possible a dumanon pay agingga iti 30,000 gapu ta maipagarop nga adda dagiti saan a naireport a kaso.
