LAOAG CITY – Inbatad ti Malakanyang a ni Vice-President Sara Duterte ti maysa a nalawag a pruweba a saan nga amin dagiti nadutukan a miembro ti gabinete ni Presidente Ferdinand Marcos Jr., ket ‘competent.’
Inpetteng ni Presidential Communications Office (PCO) Undersecretary ken Palace Press Officer Claire Castro a kalpasan a nadutukan ti bise presdente kas sekretaryo ti Department of Education ket inadmitir na nga awan ti ammo na iti naipabaklay kenkuana a trabaho.
Mainaig iti daytoy, inriing manen ni Castro ti isyu ti saan nga usto a panangusar ni Vice President Duterte ti pondo iti dua a tawen a panagserbi na kas sekretaryo ti Department of Education (DepEd).
Inpettengna nga amin dagiti pinarway a problema ni Duterte iti Department of Education ket manarimaan paylaeng a daldalusan ni Education Secretary Sonny Angara.
