LAOAG CITY – Naglikudan ni Bise Presidente Sara Duterte ti alegasyon a maysa isuna kadagiti financier ti destabilization kontra iti gobierno, kalpasan nga innagan ti beterano a broadcaster a ni Ramon Tulfo.
Segun iti Bise Presidente, awan ti nagibasaran na ti pammabasol ken inawagan na daytoy a “tsismis” gapu ta awan ti ebidensia.
Dinakamat pay ni Tulfo ti kabsat ni VP Sara a ni Davao City 1st District Rep. Paolo “Pulong” Duterte, ken ni dati nga Ilocos Sur Gov. Chavit Singson, ngem saan nan nga inbaga ti source.
Malaksid kadagitoy ket nadakamat pay ti nagan dagiti 10 a personalidad a maipagarop a karaman iti destabilisasyon.
Segun ken ni Malacañang, im-imbestigaren ti Armed Forces of the Philippines (AFP) ti listaan nga inparuk-at ni Tulfo.
