LAOAG CITY – Naglikudan ni Vice President Sara Duterte dagiti damag a bumaba daytoy iti puesto bayat iti impeachment trial kontra kenkuana.
Inpetteng ti bise presidente a saan daytoy a mapasamak ken naglikudanna nga agikkat daytoy gapu iti taktakderanna a 32.2 million a Pilipino a nangibotos kenkuana.
Innayonna pay a no gagem ni Presidente Ferdinand Marcos ket mabalinna nga aramiden iti amin tapno mapababa laeng daytoy iti puestona.
Kabayatana, manarimaan ti panagbiahe iti Europa ni Vice President Sara para iti overseas trips-na a pakairamanan kadagiti community engagements-na kadagiti Overseas Filipino worker (OFW).
Idi laeng Sabado, nagbiahe ni bise presidente idiay London no sadinno ket nakitaripnong daytoy iti maysa a miting a basar iti speech-na, inpettengna dagiti maipagarup a daddakel nga anomalia iti gobierno.
Innayonna pay a saan nga maikikkan ti umno nga oportunidad dagiti Pilipino a rason ti umad-ado a bilang dagiti rumrumuar iti pagilian nga agbirok ti trabaho.
Malaksid iti daytoy, nagturong pay ni VP Sara idiay The Hauge, Netherlands a manarimaan a nakabaludan ti amana a ni dati a Presidenete Rodrigo Duterte.
