LAOAG CITY – Balligi iti pannakaiwayat ti Walkadance kas paset ti selebrasyon ti women’s month ditoy ciudad ti Laoag ita a bolan.
Daytoy ti inbatad ni Miss Mary Joan Pasigui, ti focal person ti Local Committee against Trafficking-Violence against Women and their Children ditoy ciudad.
Kunana a daytoy ket paset ti kick off activity ti gobierno lokal ditoy ciudad ita a women’s month.
Innayon na nga umabot iti nasurok 3 ribo nga indibidwal ti nakipaset iti nasao nga aktibidad.
Inbatad na a malaksid kadagiti babbai ket adda pay dagiti lallaki a nakipaset, a mangipasimudaag a suportaran da iti pannakaitandudo ti karbengan dagiti babbai.
Kabayatanna, inpakaammo ni Pasigui nga adda pay dagiti maiyuswat nga aktibidad ken programa kadagiti sunarsaruno nga aldaw kas iti seminar ken livelihood program.
