LAOAG CITY – Inpaima ti agnagan ti Karen Joy Ulita iti Barangay Tangid ditoy ciudad ti Laoag ti napidot ti asawa na a wallet a naglaon ti dakkel a kantidad.
Segun kenni Mrs. Ulita, nakita ti asawa na a bagger iti dakkel a Mall iti ili ti San Nicolas ti wallet bayat nga ur-urnusen na dagiti cart.
Kunana a basar iti asawa na, nagdeisyon nga iyawid na lattan ti wallet ket tinawagan da ti numero nga adda iti wallet ken nangipatulod da ay ti mensahe iti facebook.
Nupay kasta, idi saan da a matawagan ken awan ti sungbat iti facebook ket nagturong da iti Bombo Radyo Laoag tapno maisubli ti wallet.
Babaen met iti Bombo Radyo ket balligi a naisubli ti wallet a naglaon ti kwarta nga agbalor ti agarop 80 a ribo a pisos.
