LAOAG CITY – Naiteden ni Mr. Jerry Lou Fabian Pascual, maysa a guwardiya, ken residente iti Brgy. 56-B Bacsil ditoy siudad ti Laoag ti nabayagen a napukaw a wallet na.
Daytoy ket kalpasan a nagturong ditoy Bombo Radyo tapno sapulen na ti napukaw a wallet na idi pay Enero 2019.
Inlawlawag na a kasapulan na dagiti dukomento kangrunaan ti papeles ti motorsiklo na nga orihinal gapu ta agrenew ti registration na.
Kuna na nga importante dagiti dukomento ken nagduduma nga I.D. a naipan iti wallet na.
Mainaig iti daytoy, nagyaman ni Pascual iti siasinno man a nangisubli ti wallet na iti Bombo Radyo Laoag.
Maipalagip a naipaima ti nasao a wallet iti Bombo Radyo itay napan a tawen a ti karga na laengen ket dagiti nasao a banag.
