LAOAG CITY – Naragsak a naawat ni Mr. Robert Gaspar Delmo, residente iti Brgy. 40 Balatong sitoy siudad ti Laoag ti napukaw na a wallet ken addaan ti karga a driver’s license.
Segun kenni Delmo, napukaw na ti wallet na idi Enero 10, 2020 iti paset ti Brgy. 19 San Lorenzo iti ili ti San Nicolas iti agarup alas tres ti malem.
Inbatad na nga adda ti 300 a pisos a kuarta a naikarga iti napukaw na a wallet ngem ti importante ket naisubli ti driver’s license kenkuana.
Naitalek ti wallet iti biang ti Bombo Radyo babaen ti maysa a concerned citizen kalpasan ti sumagmamano nga aldaw a napukaw ni Delmo ti wallet na.
