LAOAG CITY – Naisem nga inawat ni Mr. Benjie Menor Malapit, residente iti Brgy. Baruyen iti ili ti Bangui kalpasan a naisubli kenkuana ti napukaw na a wallet idi Martes.
Napalaos ti panagyaman na iti nangisurender ditoy Bombo Radyo ti wallet na kalpasan a napidot da iti Brgy. Davila iti ili ti Pasuquin.
Binigbig ti Bombo Radyo dagiti nangisurendr ti wallet a da Mr. John Kevin Calairo kenni Lhei Ann Mercado, aglaklako da ti ikan ken residente da iti Brgy. Dilavo iti ili ti Pasuquin.
Maipalagip a naglaon ti wallet iti nasurok tallo a ribo a pisos, maysa nga ID ken Driver’s License.
Saan a nagpangadua ni Calairo nga intalek na ditoy Bombo Radyo ti nasao a wallet tapno maisubli iti akinkukua.
