LAOAG CITY – Nabirukan ti bangkay ti walo a bulan a masikog a babai iti kwarto iti maysa nga apartment iti Brgy 3 San Ildefonso iti ili ti san nicolas.
Segun iti PNP San Nicolas, ti biktima ket agtawen iti 26, adaan ti live-in partner, maysa a call center agent, residente ti Magsaysay Lasam Cagayan.
Basar iti inisyal nga imbestigasyon ti PNP san nicolas, agarup alas otso y media ti bigat idi riingen ti anak na nga agtawen ti 6 ti biktima ngem saan na a mariing rason a nagkiddaw ti tulong kadagiti dadduma nga agkaskasera.
Dagus met a napan dagiti tenants a nagpatulongan iti anak ti biktima ket dita a nakita da nga awan ti anges ti biktima.
Pinadas nga alaen iti PNP San nicolas iti statement ti ubing ngem agpapan ita ket saan a makasao gapo pay laeng iti nasao nga insidente.
Kabayatanna, inbatad met ti live in partner ti biktima nga agtawen ti 30, maysa a negosyante ken agpadpada a residente iti Lasam Cagayan a nabayagen nga agpaspasar iti early labour pains gapo ta ti biktima ket 8 a bulan a masikog.
Innayon ti live in partner na a nabayag na nga al-alokoyen a mapan agpacheck up ngem nagkedked iti biktima.
Iti agdama, naiyawiden ti kameng ti pamilya na ti bangkay ti biktima iti Lasam Cagayan.
