LAOAG CITY – Kinumpirmaran ni Barangay Kagawad Jessie Santos, Brgy. Raraburan ditoy siudad ti Laoag a naipadalan dagiti walo a close contact ni IN-187 babaen iti panangsukon ti ambulansya itay bigat.
Kuna na a dagiti walo close contact ket kabagyan ti pasyente.
Segun kenni Santos, residente ni IN-C187 iti Sitio 5 Sagpat ken agaw-awid daytoy ken sumagmamano laeng a rumwar iti pagtaengan da.
Inbatad na a nairekomendar kadakuada ti pannakailockdown iti pagtaengan ti maseknan agraman dagiti kaabay na idinto a dagiti agtrabaho iti pagaramidan ti hallowblocks ket naibalakad nga agtrabaho da iti likod.
Kabayatanna, inbaga ni Santos kadagiti kameng ti PNP nga adda dagiti agtrabtrabaho kas mangisursuro iti nasao a sitio rason a maiyuray iti pammilin ti mayor no bilang maipan a total lockdown iti nasao a lugar.
Immunan nga inrakurak ti gobyerno probinsyal a nagpositibo iti COVID-19 ni IN-188, babai, agtawen ti 40, medical representative, symptomatic, residente iti Brgy. 3 ditoy siudad ken nakapulapol na ni IN-187 nga empleyado iti gobyerno probinsyal.
