LAOAG CITY – Inrakurak ni Mrs. Vilma Eda, City Schools Division Superintendent ditoy siudad ti Laoag, a walo a mangisursuro ken dua nga staff dagiti nagpositibo iti COVID-19.
Kuna na a malaksid iti daytoy ket adda ti maysa a mangisursuro a pimmusay a nagpositibo iti COVID-19.
Inpasingked ni Eda a saan a tubeng kadakuada ti pandemiya a mangipaay ti de-kalidad nga adal para kadagiti agad-adal.
Inpakaammo na nga adda da iti nasayaat a kondisyon dagiti aktibo a kaso iti biang ti City Schools Division bayat a nakaisolate dagitoy.
Kabayatanna, inbatad pay ni Eda nga adda ti sursuruten a prosesso ti DepEd Laoag mainaig iti pannakaibunong dagiti modules.
Daytoy ket ti pannakaipan dagiti modules iti “parking box” iti uneg ti dua a lawas wenno sakbay iti panaglukat ti klase nga usaren dagiti agad-adal.
