LAOAG CITY – Walo ti nainayun iti bilang dagiti nagpositibo ti covid-19 ditoy probinsya.
Gapu iti daytoy, addan ti pakabuklan a 740 a kaso ti nasao a virus iti intero nga Ilocos Norte.
Basar iti gobierno probinsyal, dagiti baro a kaso ket agpapada a residente ditoy siudad ti Laoag ken nakapulapol dagiti immunan a nagpositibo.
Ni IN-C733 ket maysa a lalaki nga agtawen ti 43, taga Brgy. 43 ditoy siudad, APOR a driver ken nakapulapol ni IN-C724; IN-C734 ket agtawen ti 46 a babai, residente iti Brgy. 48, APOR a caretaker ken nakapulapol da IN-C729 kenni IN-C730; IN-C735 ket agtawen ti 40 a lalaki, residente iti Brgy. 50, APOR a cargo dispatcher ken nakapulol met laeng da IN-C729 kenni IN-C730.
Kabayatanna, IN-C736 ket agtawen ti 12 babai iti Brg. 48-A ditoy siudad, local residente ken nakapulapol da IN-C729 kenni IN-C730; IN-C737, agtawen ti 55 a babai, residente iti Brgy. 7-B, maysa nga APOR a maestra ken nakapulapol ni IN-C722; IN-C738 ket agtawen ti 69 a baket , residente iti Brgy. 28 ken nakapulapol ni IN-C732.
Kamaudian na da IN-C739, agtawen ti siyam a lalaki kenni IN-C740 nga agtawen ti 46 a lalaki, APOR a government employee ket agpada a residente iti Brgy. 4 ditoy siudad ken nakapulapol ni IN-C727.
Mainaig iti daytoy, ni IN-C734 ket symptomatic nga addaan ti comorbidity wenno sakit idinto nga agpada pay nga addaan ti sintomas da IN-C737 kenni IN-C738 rason a nagtaalinaed dagitoy iti ospital.
Kabayatanna, dagiti lima a dadduma pay a nagpositibo ket asymptomatic ken nagtalinaed a naka-isolate dagitoy.
