LAOAG CITY – Umabot iti walo a tattao ti natay kalpasan ti nalawa a riot ken tignay protesta iti kabisera ti Papua New Guinea.
Basar iti report, napuuran dagiti naruay a pasdek negosyo ken behikulo idinto a sinerrek dagiti mannanakaw dagiti supermarkets kalpasan a nangiyuswat ti strike dagiti otoridad gapu iti saan a panagkikinnaawatan iti sweldo da.
Iti kaawan dagiti pulis iti trabaho da ket ginundawayan dagiti tattao ti napan nangserrek kadagiti pasdek negosyo.
Maipalagip a rimsua ti nakaro a tensyon iti Papua New Guinea gapu iti panagngato ti presyo dagiti magatgatang ken immado pay dagiti awanan ti trabaho.
Kabayatanna, iti panagbitla ni Prime Minister James Marape, nagpadespensar iti insidente, ngem inpetteng na a ti pananglabsing ti linteg iti pagilyan da ket saanna nga i-tolerate.
