LAOAG CITY – Nairekord dagiti walo a baro a kaso iti COVID-19 ditoy probinsya.
Basar iti gobyerno probinsyal, uppat kadagitoy ket residente iti ili ti Paoay a da IN-C944 lalaki, agtawen ti 40, farm supply staff; IN-C945 babai agtawen ti 54; IN-C946 baket agtawen ti 64, agpapada a nakapulapol ni IN-C894 ken agpapada a residente iti Brgy. Nalasin kenni IN-C947, baket, agtawen ti 64 barangay health worker, nakapulapol ni IN-C939 ken residente iti Brgy. Mumulaan iti nasao nga ili.
Tallo manipud iti baro a kaso ket residente iti ili ti Sarrat kas kada IN-C948 lalaki agtawen ti 16 care taker, iti Brgy. 4 San Francisco; IN-C949 baket agtawen ti 74, nakapulapol ni IN-C913 kenni IN-C950 lalaki agtawen ti 15 agpada a residente iti Brgy. 3 Sta. Barbara ken agpapada dagitoy a nakapulapol ni IN-C913.
Maudi ni IN-C951 babai agtawen ti 39, LSI manipud iti Malate Manila ken residente iti Brgy. 12 iti ili ti Pasuquin.
Gapu iti daytoy, umaboten iti 951 ti kaso nga addaan iti 168 nga active cases, 779 recoveries kalpasan a nalaingan dagiti tallo a pasyente ken nagtalinaed nga uppat dagiti natay.
