LAOAG – Umabot ti walo a tattao dagiti natiliw dagiti otoridad kalpasan a naaktwan da dagitoy nga agsusugal iti Barangay 10 ditoy ciudad ti Laoag.
Nabigbig dagitoy a da Inocencio Bugaoisan Jr., agtawen ti 32, Jayson Mengullo, agtawen ti 29, Danilo Marbel, agtawen ti 55, Eugene Palacay, agtawen ti 43, Oliver Udaundo, agtawen ti 41, Mario Acebu, agtawen ti 51, Marlyn Bugaoisan, agtawen ti 46 ken ni Alfredo Tagupa, agtawen ti 41, agpapada dagitoy a driver ti pampasahero a jeep ken residente da idiay Pasuquin, Ilocos Norte.
Nakumpiskar dagiti otoridad ti 2,626 a pisos a maipagarop a taya dagiti suspek ken maysa a set ti baraha.
Segun ti report, mismo nga iti uneg ti pampasahero a jeep ti nagsusugalan dagiti maseknan nga addaan ti rota a Laoag-Pasuquin route nga iturturong ni Inocencio Bugaoisan Jr.
Iti agdama, maisagsaganan ti kaso a mainaig ti illegal a panagsusugal a maipila kontra kadagiti suspek.
