LAOAG CITY – Balligi a natiliw ti maysa a wanted person iti Barangay 5 ditoy ciudad ti Laoag babaen ti panangiserbi dagiti otoridad ti Alias Warrant of Arrest.
Ti akusado ket agtawen ti 32, awanan ti asawa, maysa a construction worker ken residente iti nakadamat a barangay.
Natiliw babaen babaen ti nagtipon a pwersa ti Provincial Special Enforcement Team, Ilocos Norte Police Provincial Office nga idadaulwan ni PCPT TOLENTINO F ERUM JR ken Laoag City Police Station iti baban ti supervision ni PCOL JULIUS C SURIBEN, Provincial Director kasta pay ti PIU-INPPO, INTPU, 101st MC, RMFB1, 144 Special Action Company/14 Special Action Batallion.
Inserbi dagitoy ti dua a nagsina nga Alias Warrant of Arrest a napetsaan ti August 4, 2011 ken inparuk-at ni Hon. Judge Charles A Aguilar iti RTC, Branch 12 ditoy ciudad ti Laoag gapo iti kaso a robbery.
Narekomendaran ket daytoy ti 40 a ribo a pisos iti tunggal maysa wenno 80 a ribo a pisos para iti temporayo a pannalwaya-waua na.
Iti agdama, ti akusado ket nagtalinaed iti kustudiyar ti PNP-Laoag ken manamnama a maipaima iti kotre a naggapoan ti warrant of arrest.
