LAOAG CITY – Balligi a natiliw ti maysa a Wanted Person iti Barangay Puttao iti ili ti Solsona babaen kadagiti kameng ti PNP-Dingras.
Ti akusado ket agtawen ti 53, mannalon ken residente iti nakadamat a barangay.
Segun kenni Police Major Julius Basallo, ti chief of police ti PNP-Dingras, tiniliw da ti maseknan babaen iti bileg ti warrant of arrest nga inparuk-at ni Judge Richard Balusio iti MCTC Piddig-Carasi-Solsona gapo iti kaso nga attempted homicide.
Narekomendaran daytoy a makapagpyansa ti 34 a ribo a pisos para iti temporaryo a pannakaway-waya na.
Iti agdama, ti akusado ket nagtalinaed iti kustudiyar ti PNP-Dingras.